"Qadınları zorladıq, uşaqları öldürdük, 20 kəndi xəritədən sildik" - Myanmalı 2 əsgər müsəlmanlara qarşı dəhşətli soyqırımı etiraf edirlər (FOTO)
- 13:53 - 09 Sentyabr
Myanmanın müsəlman əhalisinə qarşı törədilən qırğınlar bütün dünyanın gözü qarşısında davam edərkən, Myanma ordusundan qaçan iki hərbçi özlərinin də iştirakçısı olduğu hadisəni etiraf ediblər.
Avropa.info xəbər verir ki, Beynəlxlaq Cinayət Məhkəməsinə ifadə verən hərbçilər Arakan müsəlmanlarının öldürülməsi və kütləvi qəbiristanlıqlarda basdırılmasında iştirak etdiklərini deyiblər. İfadə verən hərbçilərdən biri Mo Vin Tun 2017-ci ilin avqustunda komandirlərindən “Gördüyünüz və eşitdiyiniz hər kəsi vurun” əmrini aldıqlarını deyib.
“Fərq qoymadan hamısını vurduq. Müsəlman kişiləri alınlarından vurduq və cəsədləri ayaqlarımızlarla çuxurlara atdıq. 30 günahsız müsəlman uşaq, qadın və kişinin öldürülməsində və basıdırılmasında iştirak etdim. 20-yə yaxın kəndi xaritədən sildik.” – o, deyib.
Digər myanmalı hərbçi Er Zav Nainq Tun rəhbərlikdən “Gördüyünüz uşaq və ya yeniyetmələrin hamısını öldürün” əmri aldıqlarını deyib. 20 kəndi məhv etdikdən sonra meyitləri də kütləvi qəbiristanlıqlarda basdırdıqlarını bildirib.
Cinsi zorakılıq cinayəti törətmədiyini deyən Tun digər arakanlı hərbçilər qadınları zorlayarkən, özünün növbə çəkdiyini deyib.