Kiyev vilayətinin Buça şəhərində kütləvi məzarlıqdakı cəsədlərin ekshumasiyasına başlanılıb.
“Qafqazinfo” xəbər verir ki, bu barədə Ukraynanın baş prokuroru İrina Venediktova Facebook səhifəsində məlumat verib.
Onun sözlərinə görə, ölənlərin bəzilərinin sənədləri olub, qalanları isə yaxınları tərəfindən geyim və ya digər əlamətlərə və DNT-yə görə tanınmalıdır.
Qeyd edək ki, Kiyev vilayətinin Buça şəhəri rus hərbçilərdən azad edildikdən sonra şəhərdə yüzlərlə sakinin cəsədi tapılıb, onların çoxu işgəncələrlə öldürülüb.
Aprelin 4-ü axşam saatlarına olan məlumata görə, Buçada öldürülən və işgəncəyə məruz qalan 300-dən çox adam müəyyən edilib.
