Azərbaycan və Gürcüstan arasında uçuşların bərpasına dair danışıqlar başladı
Azərbaycan və Gürcüstan arasında müntəzəm aviareyslərin bərpası ilə bağlı danışıqlar aparılır. AĞ Xəbər məlumat verir ki, “Azərbaycan Hava Yolları” QSC-nin (AZAL) Gürcüstana uçuşları gələn ay bərpa edəcəyi gözlənilir. Bakı-Tbilisi-Bakı istiqaməti üzrə aviareyslərin həyata keçirilməsinə martın ilk ongünlüyündə başlanılması nəzərdə tutulub. Xatırladaq ki, Gürcüstan martın 1-dən Azərbaycan üçün hava məkanını açacaq. Həmin tarixdən etibarən Gürcüstana hava yolu ilə səfər edəcək Azərbaycan vətəndaşları PCR testinin mənfi nəticəsini təsdiqləyən arayış təqdim etməklə Gürcüstana daxil ola biləcəklər.