Azərbaycan Respublikasının Prezidenti,
cənab İlham Əliyevə
Surəti: Kəlbəcər rayon İcra Hakimiyyətinə
Kəlbəcər rayonunu təmsil edən deputata
Bütün Mətbuat orqanlarına
Kəlbəcər rayonu Aşağı Ayrım kənd sakini Mehdiyev
Xudayar Aydın oğlu tərəfindən
055 416 66 17
ŞİKAYƏT
Hörmətli cənab Prezident!
İlk öncə Sizi və xalqımızı Vətən Müharibəsinin möhtəşəm qələbəsi münasibət ilə təbrik edirəm. Allah Şəhidlərimizə rəhmət eləsin, qazilərimizə şəfa, Sizə və Müzəffər Ordumuza can sağlığı arzulayıram.
Hörmətli cənab Prezident!
Mən Kəlbəcərdən Məcburi köçkünəm. 4 uşağım var. Gələcək üçün dövlətimizə 2 Əsgər və 2 Ana böyüdürəm. Çalışdığım qədər Onları elə tərbiyə edirəm ki, dövlətini və millətini sevsin. Lakin ailəmizin ağır maddi durumu, yerli məmurların özbaşınalığı və vətəndaşlara diqqətsizliyi həmin uşaqların gələcəkdə normal böyüməsinə və Vətəni sevməsinə maneədir.
Sizin məcburi köçkünlərə olan diqqətiniz və qayğınız mətbuat vasitəsi ilə bizə məlumdur. Lakin həmin diqqət və qayğı məmurların “sayəsində” bizə gəlib çatmır.
Mən dəfələrlə adi fəhlə, axran və s bu kimi işlərə təyin olunmağım üçün Kəlbəcər İcra Hakiyyətinə və rayonun digər idarələrinə müraciət etsəm də heç bir köməklik edilmir. Mədəniyyət, Səhiyyə, Yol İdarəsi, İcranın bütün şöbələrinin rəhbərlərinin hamısı İcra Başçısının qohum əqrabalarıdır. Araşdırılması üçün göstəriş versəniz öz təstiqini tapacaqdır.
Məndə olan məlumata görə Təhsil Şöbəsində məktəblərə adları axrana, xadimə və fəhlə yazılan insanların əksəriyyəti işə çıxmır. Yalnız onların adları işə qeyd edilib, əmək haqqı kartları isə ya məktəb direktorunda, ya təhsil inispektorundadır. Həmin kartlardan çıxarılan əməkhaqqıları araşdırılarsa bankomatın kamerasından açıq aydın görsənəcəkdir ki, özləri çıxartmırlar.
Rayonu bu günə qoyan məmurlar cənab prezident sizin gördüyünüz işlərə kölgə salmağa çalışırlar. Ona görə də sizdən xahiş edirəm ki, rayonda ciddi yoxlama aparılmasını və mənə də iş üçün köməklik göstərilməsi barədə göstəriş verəsiniz.
Biz sizi çox istiyirik. Əminəm ki, bizə kömək edəcəksiniz.
