“Kapital Bank” ASC pandemiya dövründə sahibkarlara dəstək göstərmək, həmçinin iqtisadi subyektlərin bank xidmətləri üzrə xərclərinin azaldılması məqsədi ilə POS-terminal komissiyalarını endirib.
Bankdan “APA-Economics”ə verilən məlumata görə, güzəşt müddəti 30 sentyabr 2020-ci il tarixinədək davam edəcək.
Şərtlərə görə, bankın “e-commerce” və POS-terminallarında həm “Kapital Bank”a məxsus kartlar, həm də digər bankların kartları üçün hazırda tətbiq olunan komissiya faizinə 50%-dək endirim tətbiq edilir.
